Мэдээ

Монгол Улсын Хөгжлийн бэрхшээлтэй хүний эрхийн тухай хуулийн 33 дугаар зүйлийн 33.1, 33.2, Биеийн тамир, спортын тухай хуулийн 19 дүгээр зүйл, Хан-Уул дүүргийн Хөгжлийн бэрхшээлтэй хүний эрхийг хангах орон тооны бус зөвлөлөөс 2022 онд хэрэгжүүлэх ажлын хүрээнд дүүргийн хөгжлийн бэрхшээлтэй хүмүүсийн бие бялдарыг чийрэгжүүлэх, хөдөлгөөний хомсдолоос сэргийлэх, спортод татан оролцуулах, нийгэмшүүлэх, дэлхийн тусгай болон пара Олимпийн Бочигийн спортын төрлийг сурталчилах, тамирчид бие биенээсээ харилцан суралцах, хамтран туршлага солилцох, цаашид энэ спортоор тууштай ур чадвартай тамирчдыг нээн илрүүлэх, тэдний өрсөлдөх чадварыг дээшлүүлэхэд зорилгоор дүүргийн аварга шалгаруулах бочигийн тэмцээнийг Хан-Уул дүүргийн Засаг даргын Тамгын газар, Монголын тусгай бочигийн холбоо, Монголын пара бочигийн холбоо, Нийслэлийн 63 дугаар сургуультай хамтран 2022 оны 04 дүгээр сарын 28-ны өдөр пара бочи, тусгай бочи гэсэн 2 төрлөөр насанд хүрэгчид, өсвөр үе гэсэн анилалаар зохион байгуулж, 6 байгууллагын 37 тамирчин, 8 дасгалжуулагч, 10 шүүгчийн бүрэлдэхүүнтэй зохион байгууллаа.

Тэмцээний нээлтийн ажиллагаанд Хан-Уул дүүргийн Засаг даргын Тамгын газрын дарга С.Энхбаяр, Биеийн тамир, спортын хорооны дарга Д.Жаргалсайхан, Нийгмийн хөгжлийн хэлтсийн ахлах мэргэжилтэн Р.Цэвээндулам, мэргэжилтэн С.Мөнгөнчимэг, Монгол Улсын Гавьяат дасгалжуулагч Ш.Цэвэлмаа, Монголын пара бочигийн холбооны ТУЗ-ийн гишүүн, ахлах дасгалжуулагч Алтанхундаг, Монголын тусгай бочигийн холбооны ТУЗ-ийн гишүүн, дасгалжуулагч, нийслэлийн 63 дугаар сургуулийн биеийн тамирын багш Б.Ганболд нар хүрэлцэн ирж, оролцсон тамирчдад гарын бэлэг гардуулав.

Тэмцээнд БНХАУ-ын тусгай захиргааны бүсийн хот Хонконгт зохион байгуулагдсан Ази тивын аварга шалгаруулах шалгаруулах тэмцээний тусгай бочигийн хүрэл медальт тамирчин Н.Сарандагина, 2019 онд Малайз улсад зохион байгуулагдсан Ази тивийн аварга шалгаруулах тэмцээний тусгай бочигийн мөнгөн медальт тамирчин И.Ариунцэцэг, Л.Хатанбаатар, Арабын Нэгдсэн Эмират Улсын Абу дамбу хотод зохион байгуулагдсан дэлхийн XV удаагийн тусгай Олимпийн наадмын мөнгөн медальт тамирчин Э.Даваадорж нар оролцов.

• Тусгай бочигийн төрөлд:

Эмэгтэй

Алтан медаль 63 дугаар сургуулийн сурагч Н.Сарандагина

Мөнгөн медаль 26 дугаар сургуулийн сурагч Д.Алтангэрэл

Хүрэл медаль 130 дугаар сургуулийн сургач А.Нандинхүслэн

Эрэгтэй

Алтан медаль 130 дугаар сургуулийн сурагч Б.Цолмон

Мөнгөн медаль 26 дугаар сургуулийн сурагч Д.Мянганбаяр

Хүрэл медаль 63 дугаар сургуулийн сурагч О.Отгонбаяр

• Пара бочигийн төрөлд:

Эмэгтэй:

Алтан медаль 63 дугаар сургуулийн сурагч Г.Сарангуа

Мөнгөн медаль 26 дугаар сургуулийн сурагч С.Булган

Хүрэл медаль 63 дугаар сургуулийн сурагч Т.Номин

Эрэгтэй:

Алтан медаль 63 дугаар сургуулийн сурагч Ө.Ариуболд

Мөнгөн медаль 63 дугаар сургуулийн сурагч П.Алтангэрэл

Хүрэл медаль 63 дугаар сургуулийн сурагч Т.Сэр-Од нар хүртэж, медаль, өргөмжлөл, мөнгөн шагналаар шагнав.