МОНГОЛЫН ХҮҮХДИЙН СПОРТЫН VII НААДАМД ХАН-УУЛ ДҮҮРЭГ ТЭРГҮҮН БАЙРТ ШАЛГАРЛАА. 
Монгол Улсын Засгийн газрын 2018 оны 183 дугаар тогтоолоор хоёр жилд нэг удаа зохион байгуулагддаг Монголын Хүүхдийн спортын зуны VII наадам Баянхонгор аймагт 2023.06.19-29-ны өдрүүдэд амжилттай зохион байгуулагдаж дүнгээ гаргалаа.
- Наадамд нийслэлийн 9 дүүрэг, 21 аймгаас ирсэн 5000 гаруй тамирчид дунд зуны 23 спортын 197 жин, зай, төрлөөр өрсөлдсөнөөс Ж.Алдаржавхлан Засаг даргатай Хан-Уул дүүрэг спортын 20 төрөлд 20 багш дасгалжуулагч, 200 тамирчдын бүрэлдэхүүнтэйгээр оролцож өсвөрийн тамирчид
26 алт,
22 мөнгө,
24 хүрэл нийт 72 медаль авч, улсын хэмжээнд хамгийн олон медаль хүртсэн амжилт гаргасан байна.
- Мөн тэмцээний Шилдэг ерөнхий боловсролын сургуулиар "Орчлон" сургууль шалгарлаа.
Тэмцээндээ амжилттай оролцсон нийт багш дасгалжуулагчид, өсвөрийн тамирчдадаа талархал илэрхийлье, та нар маань гайхалтай бахархам байсан шүү
Мөн арын албанд ажилласан дүүргийн удирдлага, Нийгмийн хөгжлийн хэлтэс, Биеийн тамир, спортын хорооны нийт хамт олондоо талархал илэрхийлье.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.