Монгол Улсын урт хугацааны хөгжлийн бодлого “Алсын хараа-2050”, Биеийн тамир, спортын тухай хуулийн хэрэгжилтийн хүрээнд Соёл, спорт, аялал жуулчлал, залуучуудын яамнаас “Соёлын бүтээлч сар 2024” аяныг 2024 оны 11 дүгээр сараас улс даяар зохион байгуулагдаж байна.
Энэ аяны хүрээнд Хан-Уул дүүргийн Засаг даргын Тамгын газраас Тусгай олимп, Паралимпыг сурталчлах чиглэлээр тусгай бочи, пара бочгийн дүүргийн аварга шалгаруулах тэмцээнийг өсвөр үе, залуучууд гэсэн ангиллаар 2024 оны 11 дүгээр сарын 15-ны өдөр дүүргийн тусгай хэрэгцээт хүүхэд, залуучуудын дунд зохион байгуулж, ерөнхий боловсролын 3 сургууль, Монголын бочигийн холбооны тамирчид,, багш, дасгалжуулагчид оролцлоо.
Тэмцээний нээлтийн ажиллагаанд Хан-Уул дүүргийн Засаг даргын орлогч Ч.Базарзаяа хүрэлцэн ирж, тамирчид, багш, дасгалжуулагчдад баяр хүргэж, спортын өндөр амжилтыг хүслээ.
Тэмцээний нэгдсэн дүнгээр: Нэгдүгээр байр:Нийслэлийн ерөнхий боловсролын 63 дугаар сургууль Хоёрдугаар байр:Нийслэлийн ерөнхий боловсролын 26 дугаар сургууль Гуравдугаар байр:Монголын бочигийн холбоо тус тус шалгарлаа.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.