Б.ЦЭРЭН ЗАСАГ ДАРГАТАЙ ХАН -УУЛ ДҮҮРГИЙН БАГ ТАМИРЧИД МОНГОЛЫН ХҮҮХДИЙН ӨВЛИЙН СПОРТЫН VIII НААДАМД ГУТГААР БАЙРТ ШАЛГАРЛАА. “Мөрөөдлийнхөө төлөө-Шударга өрсөлдөе” уриан дор Улаанбаатар хот, Орхон аймагт Монголын хүүхдийн өвлийн спортын VIII наадам хоёрдугаар сарын 17-23-ны өдрүүдэд амжилттай зохион байгуулагдаж өнөөдөр тус наадмын хаалтын ёслол болов.
Энэ удаагийн наадамд 7 дүүрэг 15 аймгийн нийт 546 тамирчин 478 багц медалийн төлөө өрсөлдсөнөөс Б.Цэрэн Засаг даргатай Хан-Уул дүүргийн баг тамирчид спортын 7 төрөлд 7 дасгалжуулагч 56 тамирчны бүрэлдхүүнтэйгээр оролцож алтан медаль 5, мөнгөн медаль 6, хүрэл медаль 3 нийт 14 медаль хүртсэнээр дүүргүүдийн багийн нийлбэр дүнгээр гутгаар байрт шалгарлаа.
Энэхүү өвлийн наадамд анх удаа багтаж байгаа тусгай олимпийн 2 төрөлд Хан-Уул дүүргээ төлөөлөн С.Эрдэнэбаатар захиралтай Б.Ганболд дасгалжуулагчтай 63-р сургуулийн 5 тамирчин оролцож гүйлтийн цана болон цасны гуталтай гүйлтийн төрлүүдэд өрсөлдөж хос хүрэл медаль хүртлээ.
Дүүргээ төлөөлөн Монголын Хүүхдийн спортын VIII өвлийн их наадамд оролцсон баг тамирчидаа үргэлж дэмжиж байдаг
Хан-Уул дүүргийн Засаг даргын тамгын газар болон дүүргийн удирдлагууддаа талархал илэрхийлье.
Тэмцээндээ амжилттай оролцсон нийт багш дасгалжуулагчид, тамирчдадаа талархал илэрхийлье, та нар маань гайхалтай бахархам байсан шүү.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.